Krem me maskarpone

Një ëmbëlsirë që vjen nga tradita lombarde, hahet me lugë dhe mund të aromatizohet me përbërës alkoolikë dhe të shijshëm sipas shijes suaj. Do t’ju pëlqejë gjithashtu sepse është i thjeshtë në përgatitje dhe nuk kërkon aftësi të mëdha prej shefi.

Përbërësit:

• 500 gr maskarpone
• 4 vezë të mëdha
• 80 gr sheqer
• 1 lugë gjelle marsala
• Disa fruta pylli për dekor

Përgatitja:

1. Si fillim, rrihni 4 të bardha vezësh derisa t’i bëni marengë.
2. Në një enë tjetër rrihni 4 të verdhat me sheqerin derisa të merrni një masë shkumoze. Ndërkohë zbusni pak maskarponen duke e përzier me lugë.
3. Shtojeni maskarponen tek të verdhat e rrahura duke i përzier poshtë-lart. Shtoni më pas të bardhat e rrahura me lëvizje delikate gjithmonë nga poshtë-lart.
4. Nëse dëshironi, mund ta transferoni përbërjen në një xhep kuzhine në mënyrë që ta shpërndni në mënyrë uniforme.
5. Shërbejeni ëmbëlsirën nëpër gota duke i dekoruar me fruta pylli ose përbërës të tjerë sipas dëshirës.