Brioshët e mëngjesit mund të provojmë t’i zëvendësojmë fare mirë me këto ëmbëlsira të shijshme, mbushja e të cilave zakonisht është me krem pastiçerie, por tani që është kohë qershish, mbushja gjithashtu me glikonë e këtyre frutave do të ishte e mrekullueshme.
Përbërësit për brumin:
500 gr miell 00
250 gr gjalpë
4 të verdha vezësh
1 shkop vanilje
200 gr sheqer pluhur
Për mbushjen:
50 gr miell 00
500 ml qumësht
6 të verdha veze
1 shkop vaniljeje
150 gr sheqer
Disa kokrra gliko qershie
Për lyerjen:
1 e verdhë veze
3 lugë gjelle pana e freskët ose qumësht
Përgatitja:
Për të realizuar këto ëmbëlsira, filloni me përgatitjen e kremit: ngrohni qumështin në zjarr të ulët me shkopin e vaniljes të hapur. Ndërkohë rrihni të verdhat e vezëve me sheqerin dhe shtoni miellin e situr. Këtë përbërje shtojeni më pas tek qumështi dhe përziejini në zjarr të ulët me rrahëse vezësh. Pasi kremi të jetë trashur, vendoseni në frigorifer të ftohet me një qese kuzhine sipër.
Ndërkohë përgatisni brumin: hidhni miellin dhe gjalpin e ftohtë në mikser dhe frulojini për të krijuar një brumë me kokrriza. Vendoseni brumin në planin e punës. Shtoni sheqerin, farat e vaniljes, të verdhat e vezëve dhe punojeni shpejt e shpejt derisa të merrni një masë kompakte dhe elastike. Mbështilleni brumin me një qese plastike dhe vendoseni në frigorifer të pushojë për të paktën gjysmë ore.
Pasi të ketë kaluar kjo kohë, shtrijeni brumin mbi një plan pune të spërkatur me miell dhe hapeni me një petëz në trashësinë gjysmë centimetri. Merrni disa forma të vogla pjekjeje, lyejini me gjalpë, spërkatini me miell dhe vendosni brumë në to duke e hapur mirë tek baza dhe anët. Më pas tek secila formë shtoni dy lugë kafeje krem pastiçerie dhe nga një kokërr gliko qershi. Mbyllini me copa brumi të prera paraprakisht duke u kujdesur t’i bashkoni mirë anët.
Rrihni një të verdhë vezësh me disa lugë qumësht ose pana dhe lyeni me këtë përzierje sipërfaqen e ëmbëlsirave. Piqini në furrë të ngrohur në 180 gradë për 30-35 minuta. Kur të jenë gati, hiqini nga furra, lërini të ftohen dhe shijojini sa janë ende të ngrohta.
Ky topth djathi në formë kungulli është një antipastë argëtuese që mund ta përgatisni për Halloween. Mund të përdorni çdo lloj djathi që preferoni. Përgatit përbërësit. Vendosi të gjithë në tavolinë që t’i kesh gati. Përziej djathërat. Në një...
Këto mini torta me sy qershie janë ëmbëlsira perfekte për t’i dhënë një prekje të frikshme festës suaj të Halloween-it. Të përgatitura me brumë për byrek të gatshëm dhe me mbushje qershie, janë shumë të lehta për t’u bërë,...
Një recetë shumë ushqyese për fëmijët 4-5 vjeç: pa sheqer të shtuar, të pasura me fibra, antioksidantë dhe shije që i pëlqen edhe mëngjesit më kapriçioz. Udhëzime: 1. Piqni pataten e ëmbël derisa të zbutet (në furrë për rreth...
Lini një koment