Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Birjam me pulë
Sot do të frymëzohemi nga një prej recetave tipike të kuzhinës indiane për të përgatitur birjamin me pulë. Një pjatë unike, e pasur me aroma e ngjyra që do t’ju surprizojë me shijen e saj dhe do ta gatuani rregullisht më pas.
Ingredientët
- 4 kofsha pule
- 250 gr oriz basmati
- 3 thelpinj hudhre
- 200 gr mashurka të sheshta
- 1 spec djegës i freskët
- 50 gr xhinxher i freskët
- 200 gr qepë të kuqe
- 50 gr gjalpë
- 500 gr brodo pule
- 50 gr rrush i thatë
- 40 gr bajame të cilave u keni heqru cipën
- 1 lugë shafran Indie pluhur
- 1 lugë kumin pluhur
- 1 lugë piper i kuq i fortë
- Pak koriandër
Udhëzimet
1
Për të përgatitur birjamin me pulë, si fillim përgatisni brodon e pulës. Më pas qëroni qepën dhe priteni në feta. Lani mashurkat dhe pritini në copa. Merrni xhinxherin, qërojeni dhe priteni në copa të vogla; merrni specin e kuq djegës, hiqini bishtin dhe priteni në copa.
2
Hidhni në tasin e një mikseri xhinxherin, specin e kuq dhe thelpinjtë e hudhrës, më pas frulojini. Merrni një tigan, shtoni gjalpin dhe lëreni të shkrijë.
3
Shtoni kofshat e pulës, përgatitjen që bëtë në misker, qepët, kuminin, piperin e kuq dhe shafranin. Lërini për 10 minuta, më pas shtoni mashurkat dhe një garuzhde brodo të nxehtë. Mbulojini me një kapak dhe lërini për 5-10 minuta në zjarr të mesëm.
4
Më pas hiqni kapakun, shtoni orizin dhe mbulojeni me brodon. Shtoni rrushin e thatë, përziejni dhe mbulojini me kapak.
5
Lërini për 10 minuta në zjarr maksimal derisa orizi të gatuhet dhe brodoja të absorbohet nga ai. Në fund shtoni bajamet, gjethet e korianderit dhe servireni birjamin.
Lini një koment