Po bën gjithçka e sërish nuk po dobësohesh? Ja 8 gabimet që pengojnë qëllimin tuaj

Referuar “Organizatës Botërore të Shëndetësisë” obeziteti në botë po rritet me shifra të frikshme përgjatë 40 viteve të fundit.

Njerëzit kanë filluar të ndërgjegjësohen për kaloritë që marrin, ushqimet dhe sasinë që konsumojnë, frekuentojnë palestrat e përsëri nuk humbasin në peshë. Cilat janë faktorët që i pengojnë që diçka e tillë të ndodhë?

Hidhini një sy pikave më poshtë:

Shmangin mëngjesin
Studiuesit kanë konfirmuar se njerëzit që hanë mëngjes kanë tendencë të fitojnë më pak peshë sesa ata që e anashkalojnë atë.

Nuk pinë ujë mjaftueshëm
Konsumi i ujit ndihmon në djegien e më shumë kalorive dhe rrjedhimisht çon në humbje peshe.

Hanë mbrëmjeve vonë
Studimet konfirmojnë se është më mirë të shmangni ushqimet e vona, përveç nëse dëshironi të fitoni disa kile shtesë. Nëse ushqimi konsumohet vonë, trupi me siguri do t’i ruajë ato kalori si yndyrë sesa t’i djegë ato. Përpiquni të qëndroni larg nga frigoriferi juaj, para gjumit.

Nuk flini gjumë mjaftueshëm
Privimi i gjumit mund të rezultojë në një metabolizëm më të ngadaltë. Prandaj përpiquni të bëni të paktën 7 orë gjumë çdo ditë.

Ngrënia e ushqimeve me 0 yndyrë
Mos e beso po deshe, por konsumi i ushqimeve pa yndyrë na shton urinë dhe na bën të hamë më shumë. Për më tepër, heqja e yndyrnave nga produktet e qumështit na pengon të përthithim kalciumin dhe vitaminat A dhe D. Më mirë shmang sheqerin e tepërt!

Jeni të shpërqendruar teksa hani
Nëse do të hani vaktin tuaj, provoni ta bëni pa shikuar serialin tuaj të preferuar ose duke kërkuar nëpër rrjete sociale. Të shpërqendrohesh gjatë vakteve ju bën të hani më shumë, thonë studiuesit. Ndërkohë, t’i kushtoni vëmendje vaktit tuaj do t’ju lejojë ta shijoni më shumë dhe të keni më shumë kontroll mbi sasinë e ushqimit që konsumoni.

Nuk i thoni dot “Jo” alkoolit
Herën tjetër që do të merrni një gotë birrë, mendohuni dy herë. Pirja e birrës shkakton yndyrë të tepërt në bark, ndërsa pirja e rëndë e alkoolit të të gjitha llojeve dihet se rrit peshën tuaj. Mundohuni të keni më pak “orë të lumtura” nëse shqetësoheni për peshën tuaj.

Qendroni të ulur për një kohë të gjatë në karrike
Studimet konfirmojnë se ekziston një lidhje midis kohës së kaluar ulur dhe mbipeshës. Prandaj përpiquni të lëvizni çdo 60-90 minuta, ose të vendosni një kohëmatës për t’i kujtuar vetes kur të ngriheni në këmbë. Provoni të bëni ushtrime në karrige ose shkoni për një shëtitje. Ose thjesht vizitoni një koleg që punon në një kat tjetër. Ideja është të shtoni një lëvizje në ditën tuaj!/neps.al