Si thoni për një supë të shëndetshme me pulë? Kosi dhe hudhrat do ia shtojnë akoma më shumë shijen...
Lani mirë pulën dhe e vendosni të ziejë.
Pasi ka zierë e hiqni pulën, ndërsa tek lëngu shtoni tabletat e pulës. I lini të shkrihen tërësisht.
Ndërkohë një tigan veçmas skuqni gjalpin me miellin. Mos harroni ta përzieni vazhdimisht që të mos krijohen kokrriza.
Tani e shtoni në tenxhere dhe vazhdoni t’i përzieni.
Ndërkohë që lëngu i supës zien, ju duhet të keni ndarë mishin e pulës në copa sa më të vogla dhe ta shtoni në tenxhere.
Në një tas veçmas përzieni kosin dhe vezët me hudhrat e shtypura.
Ia shtoni supës, i përzieni mirë dhe pas 5 minutash i hiqni nga zjarri. E shërbeni të ngrohtë me pak majdanoz sipër dhe limon nëse dëshironi.
Lini një koment