Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Supë peshku e çastit
Joshëse deri në pikën e fundit! Hidhini një sy recetës së supës...
Ingredientët
- 500 gr peshk miks
- 1 qepë e vogël
- 2 thelpinj hudhra
- 1 patate e madhe
- 2 karota të vogla
- 1 degë selino
- 100 ml verë të bardhë
- 2 domate
- 2 lugë gjelle vaj ulliri
- 1 lugë gjelle gjalpë
- 1 gjethe dafine
- Kripë dhe piper të zi
- Majdanoz
Udhëzimet
1
Lajmë peshkun, e presim atë në copa dhe e vendosim në tenxhere. Shtojmë 1.5 litra ujë dhe kokrra piperi të zi, selino, lëngun e gjysmë limoni, 100 ml verë të bardhë, kripë dhe e lëmë peshkun të ziejë derisa mishi të shkëputet nga halat.
2
Shkrijmë gjalpin dhe vajin në një tenxhere, kaurdisim qepët të prera shumë imët.
3
Shtojmë në tenxhere karotën në kubikë të vegjël, kaurdisim mirë perimet për 2-3 minuta, hudhrat, domatet (pa lëkurë dhe fara) të prera në kubikë të vegjël.
4
Kullojmë lëngun e peshkut dhe shtojmë tek perimet patatet të prera në kubikë të vegjël, një gjethe dafine dhe e lëmë supën të ziejë për 10-13 minuta derisa të kenë zierë dhe perimet.
5
Ndërkohë pastrojmë peshkun nga halat dhe lëkura, copëtojmë tulin e peshkut dhe e shtojmë në tenxhere pasi të jenë zierë perimet.
6
E lëmë dy minuta. Rregullojmë shijen me kripë, piper të zi dhe majdanoz dhe e servirim supën të ngrohtë. Ju bëftë mirë!
Shënime
Receta marrë nga shqiptarja.com
Lini një koment