Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Supë me pashaqofte
Recetë e veçantë e një supe që brenda ka edhe qofte. Duhet ta provoni pa asnjë diskutim!
Ingredientët
- 300 gram mish i grirë
- 1 qepë
- 4 lugë gjelle oriz (gjysmë i zier)
- 2 vezë
- nenexhik
- kripë dhe piper i zi
- 1 lugë gjelle miell
- 1 patate
- 1 karotë
- 2 lugë gjelle gjalpë
- lëngu i 1 limoni
- 1 tufë majdanoz
Udhëzimet
1
Vendosim në një tas mishin e grirë, shtojmë në të 1 qepë mesatare të grirë shumë hollë, 4 lugë gjelle oriz gjysmë të zier, të bardhën e një veze, pak nenexhik të thatë.
2
Punojmë mirë brumin e pashaqofteve, lagim duart dhe formojmë qofte të vogla sa një arrë.
3
Vendosim në zjarr një tenxhere me 1.5 l ujë dhe e lëmë ujin të marrë valë.
4
Shtojmë në të një patate të prerë në kubikë shumë të vegjël, po ashtu dhe një karotë të prerë në fije ose në kubikë njësoj si patatet.
5
Shtojmë dhe pashaqoftet të pudrosura lehtë më miell. I lëmë perimet të ziejnë me qoftet për 15-20 minuta. Rrahim 2 të verdha veze, gjysmë limoni (lëngun).
6
I përziejmë mirë dhe i hedhim në supë. Ulim temperaturën dhe e trazojmë ngadalë që të mos pritet veza. Sa të fluskojë supa, e largojmë nga zjarri.
7
Shkrijmë gjalpin sipas preferencës, mund të shtoni edhe piper të kuq dhe ia shtojmë supës kur ta servirim, bashkë me majdanoz të grirë hollë.
Shënime
Foto dhe receta marrë nga: shqiptarja.com
Lini një koment