Asparagu është shumë i çmuar për mëlçinë tuaj. Ai i jep supës një shije të veçantë plot e përplot me vlera ushqyese!
Në një tenxhere me vaj ulliri skuqni qepën e grirë imët.
Shtoni edhe hudhrat e prera imët.
Prisni pataten në kubik të vegjël dhe ia shtoni supës.
Ndërkohë lani asparagët, i hiqni pjesën e bishtit dhe ia shtoni supës së bashku me dy gota ujë të nxehtë.
I vini kapakun dhe prisni derisa supa të marrë valë.
Sapo ta shihni që perimet janë zbutur, e fikni zjarrin dhe sipër kaloni një blender dore për ta bërë supën kremoze.
Më pas e ndizni sërish zjarrin dhe shtoni erëzat si kripë e piper për të rregulluar shijen e supës.
Nga fundi, kur supa të jetë trashur pak, shtoni qumështin. E përzieni edhe njëherë dhe më pas e hiqni nga zjarri.
Nëse doni ta trashni më shumë supën mund t’i shtoni një lugë gjelle miell misri.
Lini një koment