Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Supë krem karotash me arra
Ingredientët
- 500 gram karota
- 400 gram patate e ëmbël
- 1 mollë jeshile
- 1 qepë
- 2 thelpinj hudhra
- 30 gram xhinxher
- 3 lugë gjelle vaj ulliri
- 400 ml qumësht kokosi
- 1 lugë kafe kanellë
- Kripë dhe piper i zi
- 2 feta bukë në kubikë
- 4 lugë gjelle arra
- 2 lugë gjelle lëng limoni
Udhëzimet
1
Lajmë, pastrojmë karotat dhe i presim ato në copa të vogla. Po ashtu qërojmë patatet dhe i presim ato në kubikë të vegjël.
2
Të njëjtën gjë bëjmë edhe me mollën, e qërojmë, e presim në kubikë të vegjël. Në të njëjtën mënyrë veprojmë edhe me qepën.
3
Ngrohim një lugë gjelle vaj ulliri dhe kaurdisim qepën derisa të bëhet transparente. Shtojmë në të hudhrën të grirë imët, po ashtu dhe xhinxherin të grirë imët.
4
I kaurdisim për 2-3 minuta së bashku. Shtojmë karotat, patatet, mollët, në kubikë dhe i përziejmë për 2 minuta.
5
Shtojmë qumështin e kokosit, 500 ml ujë, kanellën, kripën dhe piperin e zi, e mbulojmë dhe e lëmë të ziejë në temperaturë të ulët për 15 minuta.
6
Ndërkohë në një tigan ngrohim 2 lugë gjelle vaj dhe skuqim bukën në kubikë dhe arrat e copëtuara për 3-4 minuta.
7
Pasi të kalojnë 15 minuta, kalojmë supën në blender dore dhe e kthejmë atë në krem.
8
Rregullojmë shijen me kripë dhe piper, lëng limoni. E servirim duke shtuar në fund kubikë buke dhe arrat e pjekura. Ju bëftë mirë!
Shënime
Receta marrë nga shqiptarja.com
Lini një koment