Supë e shijshme me të brendshmet e gjelit

Pastrojmë të brendshmet e gjelit (jo mushkërinë e bardhë). Valojmë ujin dhe i përvëlojmë mëlçitë, I presim në kubikë.

Në një tenxhere shkrijmë gjalpin dhe kaurdisim të bardhat e qepëve të grira hollë.

Shtojmë mëlçitë dhe i kaurdisim së bashku, shtojmë lëngun e gjelit dhe sa të valojë, shtojmë orizin të shpëlarë mirë. E lëmë të ziejë për 12 minuta.

Në një tas rrahim të verdhat e vezëve me lëng limoni dhe shtojmë pak nga pak lëng supe.

Bashkojmë tasin e vezëve gradualisht në supë dhe ulim temperaturën sa të pushojë pak.

Shtojmë koper ose majdanoz dhe e lëmë edhe një minutë. Largojmë tenxheren nga zjarri dhe e shërbëjmë supën të ngrohtë duke shtuar në të pak piper të zi.