Speca të kuq në furrë me gjizë dhe erëza

Në një tavë vendosim specat e kuq, i spërkasim me pak kripë, piper dhe vaj ulliri.

I vendosim në furrë të piqen në temperaturë 200 gradë për 15 minuta.

Më pas i heqim dhe i vendosim specat në një qese plasmasi, i lemë 10-15 minuta dhe më pas largojmë menjëherë cipën dhe i pastrojmë nga farat.

Grijmë erëzat dhe i përziejmë me djathin e thërrmuar ose gjizën. Shtojmë vajin e ullirit, kripën, piperin dhe një spec djegës të grirë hollë.

I trazojmë mirë dhe me masën e përgatitur mbushim specat të cilat i vendosim në furrë të piqen për 15 minuta.

Mund t’i servirim ashtu siç janë duke i prerë në fetëza spërkatur me pak vaj ulliri.