Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Sot për drekë: Sarma me patëllxhanë
Ingredientët
- 250 gram mish i grirë
- 4 patëllxhanë
- 60 gr djathë parmigiano
- 1 1/2 gotë ujë
- 2 qepë mesatare
- 3 thelpinj hudhra
- 1 lugë gjelle salcë domatesh
- 1 filxhan çaji oriz
- Kripë dhe piper i zi
- Piper i kuq
Udhëzimet
1
Pastrojmë patëllxhanët. I presim ato në feta të gjata dhe i spërkasim me pak kripë dhe i lëmë 10-15 minuta në ujë.
2
Pasi i thajmë mirë i vendosim në tepsi, i spërkasim me vaj dhe i vendosim në furrë, në temperaturë 180 gradë Celsius për 20 minuta.
3
Në një tigan me vaj ulliri përziejmë orizin, i shtojmë ujë dhe e lëmë të ziejë për 8 minuta, ndërkohë në një tigan tjetër me pak vaj ulliri kaurdisim mishin sa të ndryshojë ngjyrë dhe të thithë lëngun e tij.
4
Shtojmë qepën të grirë hollë dhe i përziejmë së bashku për pesë minuta.
5
Shtojmë një lugë gjelle salcë, një filxhan kafeje ujë, orizin gjysmë të zier, kripë dhe piper të zi, piper të kuq, por nëse doni mund të jetë dhe pikant.
6
I trazojmë mirë. Vendosim në çdo fetë patëllxhan nga një lugë çaji kimë, e mbledhim patëllxhanin role dhe e vendosim në tepsi (gjithmonë duke e mbyllur rolenë nga poshtë.)
7
Pasi të jetë mbushur tava, hollojmë një lugë gjelle salcë në një gjysmë gote ujë dhe spërkasim roletë.
8
Grijmë djathin dhe vendosim nga pak në çdo role. I pjekim në furrë të parangrohur në temperaturë 180 gradë Celsius, për 30-35 minuta. Shijojini!
Lini një koment