Sugjerojmë:
Sallata Çezar është padyshim një nga sallatat më të famshme në botë dhe ndër më të shijshmet. Por le të jemi të qartë: nuk do të ishte asgjë pa salcën karakteristike që e shoqëron dhe që i jep shijen unike. Por ndërkohë që shumëkush mund t’i drejtohet supermarketit për ta blerë të gatshme, përse të mos të tentojmë ta përgatisim vetë në shtëpitë tona?
Me një thikë të mprehtë, prisni imët açiuget. Në dërrasën prerëse shtoni dhe hudhrën dhe kripën dhe vijoni t’i prisni duke e mbajtur thikën në kënd derisa të formohet një pastë me të tre përbërësit.
Në një tas mesatar, rrihni të verdhën e vezës, lëngun e limonit dhe mustardën. Në mënyrë graduale dhe duke e rrahur përbërjen pa ndalim, shtoni pak nga pak vajin e lulediellit dhe atë të ullirit derisa përzierja të jetë trashur dhe të marrë një pamje të shkëlqyeshme, si majonezë.
Shtoni pakëz ujë në varësi të trashësisë së përbërjes dhe vijoni ta rrihni. Në fund bashkojeni me pastën me açiuge dhe me djathin e grirë. Kontrollojeni për kripë dhe shërbejeni mbi sallatën klasike Çezar.
Lini një koment