Salatë me shalqi, djathë të bardhë dhe mente
1. Në një tas të madh, vendos kubet e shalqirit. 2. Shtoni sipër djathin e thërrmuar dhe gjethet e mentes. 3. Spërkatni me vaj ulliri dhe lëng lime. 4. Shtoni një majë kripë dhe pak piper të zi nëse...
Shakshuka vegjetariane, më e mira për trupin dhe mendjen tuaj!
Shakshuka ka shumë versione si mund të përgatitet, por ky opsioni sot është padyshim shumë i rekomanduar për këto kohë, ku edhe pse rrimë në shtëpi, nuk duam të shtojmë asnjë kilogramë.
Ingredientët
- 1 lugë gjelle vaj ulliri
- 4 vezë të mëdha
- 3 tufa me kale ose spinaq
- 1 presh i prerë në copa të vogla
- 1 filxhan me bizele të ngrira
- 2 thelpi hudhra të grimcuara
- Disa gjethe mente
- 1 filxhan kafe me kos grek
- 1 lugë gjelle lëng lime
- 1 lugë çaji fara kumini
- Opsionale: disa feta avokado për dekor
Udhëzimet
1
Në një tigan me vaj ulliri skuqni hudhrat dhe farat e kuminit. I përzieni vazhdimisht.
2
Shtoni preshin, bizelet, spinaqin dhe gjethet e mentes. I lini për gati 5 minuta derisa të fishken. I marinoni me kripë e piper.
3
Ngadalë uleni nxehtësinë dhe shtoni në tigan kosin.
4
I përzieni mirë. Duke përdorur një lugë, krijoni 4 pika të shtypura ku do të thyeni vezët.
5
Tek secila vezë shtoni pak kripë dhe piper.
6
I vini kapakun dhe i lini për 5 minuta në zjarr.
7
Sapo ta shikoni që vezët janë mpiksur, shtoni sipër shakshukës pak erëza të freskëta dhe shërbejeni. Ju bëftë mirë!
Lini një koment