Sallatë e ftohtë me patëllxhanë dhe speca, shije për t’u patur zili!

1.Vendosim një tenxhere në zjarr me ujë për të zierë. Grijmë majdanozin shumë hollë.

2.Qërojmë hudhrat dhe ato i grijmë imët. Specat i presim në shirita për së gjeri, qepën e presim në feta të holla sipër sallatës.

3.Patëllxhanët i qërojmë nga lëkura, i presim në shirita në gjatësinë e specave. Shtojmë tek tenxherja në zjarr 1 lugë çaji kripë dhe 1 filxhan kafe uthull të bardhë dhe vendosim copat e patëllxhanit të ziejnë për 7 minuta.

4.Më pas i kullojmë mirë duke i shtypur me lugë që mos të kenë më ujë. Në një tigan me 2 lugë gjelle vaj ulliri kaurdisim specat deri sa të ulim volumin dhe të skuqen lehtë.

5.Ndërkohë që specat skuqen në një tas vendosim hudhrat e grira, piper të zi dhe 1 lugë kripë, 1 lugë kafe vaj ulliri.

6.I përziejmë mirë dhe e lëmë mënjanë që vaji të aromatizohet. Vendosim patëllxhanët e kulluar në një tas.

7.Shtojmë po aty specat e kaurdisur dhe 1 filxhan uthull molle si dhe pak piper të zi, qepët, majdanozin të grirë dhe të gjitha këto i përziejmë mirë.

8.Në fund shtojmë vajin e aromatizuar me hudhra.

9.I lëmë të marinohen 30 minuta në temperaturë ambienti me kapak e në fund i vendosim në frigorifer dhe 30 minuta të tjera para se t’i servirim.