Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Ravioli të mbushura me rikotta dhe spinaq. Sa qejf t'i bësh vetë!
Ju mund t'i gjeni të gatshme në çdo supermarket, por po t'i bëni vetë do ju shijojnë edhe më shumë!
Ingredientët
- Për pastat: 150 gram miell tip 00
- 50 gram miell semola
- 2 vezë
- Për mbushjen 300 gram spinaq
- 150 gram rikota
- 2 lugë gjelle me kaçkavall të grirë imët
- Pak kripë
- Pak arrë moskat
Udhëzimet
1
Në tavolinën e punës përzieni miellin dhe në mes i shtoni vezët. Punojeni mirë brumin me dorë derisa të bëni një masë kompakte.
2
E mbështillni me një qese kuzhine dhe e lini 30 minuta deri 1 orë të pushojë në temperaturë ambienti.
3
Lani mirë spinaqin, shtrydheni mirë nga uji, e grini imët dhe e skuqni për 5 minuta në një tigan me vaj ulliri.
4
E kaloni në një enë të madhe duke i shtuar sipër rikotën, pak kripë dhe pak arrë moskati.
5
I përzieni mirë.
6
Ndërkohë brumin që përgatitët pak më parë e ndani në dy pjesë të barabarta dhe filloni t’i hapni petët.
7
Tek njëra filloni vendosni nga 1 lugë gjelle nga mbushja që përgatitët. Të kenë të paktën 2-3 cm diferencë nga njëra tjetra.
8
Në fund i vendosni sipër petën tjetër.
9
Me format tuaja të preferuara të raviolit filloni t’i prisni. Nëse është nevoja, anësoret e raviolit i ngjeshni pak vetë me duar.
10
Vendosni me radhë raviolit për t’i zierë në një tenxhere me ujë e kripë.
11
Pas 5-7 minutash i hiqni dhe i vendosni për t’i skuqur në një tigan me vaj ulliri (ose me gjalpë) Nga fundi i shtoni sipër djathin kaçkavall.
12
Shërbejeni të ngrohta. Ju bëftë mirë!
Lini një koment