Po sikur peshkun ta shfrytëzojmë për disa qofte?
Lani patatet dhe i zieni për 10 minuta në një tenxhere me ujë në zjarr mesatar.
Më pas i qëroni dhe i shtypni me një pirun në një tas.
Lani mirë peshkun dhe e vendosni edhe atë të ziejë.
Ndërkohë tek tuli i patateve shtoni vezën, mustardën, kripë, piper, majdanoz, lëkurën dhe lëngun e limonit.
Pasi peshku të ketë zierë, filloni e pastroni me imtësi duke i marrë tulin. E copëtoni dhe ia shtoni patateve.
E përzieni mirë masën dhe formoni disa qofte të vogla sferike. E lyeni me galetë secilën dhe vendoseni për ta skuqur në një tigan me vaj ulliri të nxehur (por edhe me vaj luledielli nëse do donit kështu).
I skuqni të gjitha me radhë dhe në fund, pasi të jenë ftohur disi mund t'i shijoni. Ju bëftë mirë!
Lini një koment