Pse duhet t’ja kufizosh patjetër sheqerin fëmijës tënd në dy vitet e para të jetës!

Kufizimi i sheqerit në 2 vitet e para të jetës së një fëmije ul në mënyrë të ndjeshme rrezikun afatgjatë për zhvillimin e sëmundjeve kronike si diabeti i tipit 2, obeziteti dhe tensioni i lartë i gjakut.

Vitet e para të jetës janë vendimtare për shëndetin e ardhshëm të një fëmije.

Disa studime shkencore tregojnë se një marrje e tepruar e sheqernave gjatë 24 muajve të parë mund të ndryshojë mekanizmat metabolikë dhe të rrisë rrezikun e obezitetit, diabetit të tipit 2 dhe hipertensionit në moshë të rritur.

Sipas Organizatës Botërore të Shëndetësisë (OBSH), fëmijët nën moshën 2 vjeç nuk duhet të konsumojnë sheqerna të shtuar në dietë.

Një kërkim i publikuar në American Journal of Clinical Nutrition (Vos et al., 2017) tregon se ekspozimi i hershëm i lartë ndaj sheqerit lidhet me një prirje më të madhe për të preferuar ushqime të ëmbla dhe shumë të përpunuara gjatë rritjes.

Gjithashtu, një studim i Journal of the Endocrine Society (2021) ka treguar se konsumimi i lartë i sheqerit në fëmijërinë e hershme rrit markerët inflamatorë dhe rrezikun e sindromës metabolike.

Kufizimi i sheqerit në 2 vitet e para do të thotë të mbrosh shëndetin e ardhshëm të fëmijëve, duke nxitur zakone të shëndetshme ushqimore dhe duke ulur mundësinë e zhvillimit të sëmundjeve kronike.