Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Petë me miell misri dhe lakra të egra. Receta nga Zonja Vjollca
Një ide fantastike për drekën e sotme "rrëmbyer" nga kuzhinierja e njohur, Zonja Vjollca.
Ingredientët
- Brumi:
- 400 gr miell misri
- 1 lugë çaji pluhur pjekës
- 1 filxhan kafeje vaj ulliri
- 2 vezë
- 1 1/2 gotë ujë të valuar
- 1 gotë kos
- 1 gotë qumësht
- Kripë
- Mbushja: 700 gr miks barishte
- 3 qepë të njoma
- Nenexhik, koper, majdanoz
- 1 vezë
- 5 lugë gjelle kos
- 1 filxhan çaji djathë të thërrmuar (ose gjizë)
- 1 filxhan kafeje vaj ulliri
- Kripë dhe piper i zi
Udhëzimet
1
Fillimisht pastrojmë barishtet dhe i presim ato hollë. Hedhim pak kripë dhe i shtypim lehtë.
2
Qepët i presim në unaza të holla dhe i shtypim me shumë pak kripë dhe i bashkojmë me barishtet e tjera.
3
Shtojmë një vezë, djathë të thërrmuar, piper të zi, erëzat e grira hollë dhe vajin. I përziejmë së bashku duke shtuar dhe 5 lugë gjelle kos.
4
Në një tas tjetër vendosim miellin, pluhurin pjekës, pak kripë, 1 gotë ujë të valuar, vaj ulliri, 2 vezë, kos, qumësht dhe i përziejmë derisa të na formohet një brumë i plotë i derdhur.
5
Lyejmë një tepsi me gjalpë dhe shtojmë në të 3/4 e brumit, e nivelojmë dhe më pas shtojmë mbushjen.
6
Tek pjesa e mbetur e brumit shtojmë kos derisa të na formohet një masë e hollë dhe me të mbulojmë të gjithë sipërfaqen e tavës.
7
E spërkasim me vaj ose gjalpë.
8
Tavën e vendosim në furrë, në temperaturë 190 gradë, për 30 minuta.
Shënime
Receta dhe foto marrë nga shqiptarja.com
Lini një koment