Papare me bukë thekre e djathë dhie. Receta nga Dhurata Thanasi

Në këto kohë më shumë se kurrë djathi i bardhë i punishtes në Lundër është më i rëndësishëm se Parmigiano apo Brie, vaji i ullirit të Kaninës, Himarës dhe Marikajt, më me vlera se avovado e Venezuelës. Ndaj një Papare me bukë thekre, djath dhie, vaj ulliri dhe pak gjalpë me kosto 300 lekë për gjithë familjen nuk ka të paguar!

Përbërësit

•  5 feta bukë të zezë
•  2 lugë gjelle gjalpë të freskët
•  2 lugë gjelle vaj ulliri
•  1/2 gotë ujë të nxehtë
•  Djathë i bardhë sipas dëshirës
•  piper ose spec djegës
•  Nenexhik (3-4 gjethe)
•  1 thelbi hudhër e shtypur

Përgatitja

• Vendosim një tenxhere në zjarr dhe shkrijmë gjalpin dhe 1 lugë gjelle vaji ulliri.
• Shtojmë bukën e ndarë në copëza të vogla dhe e skuqim përreth 10 minuta duke e kaurdisur me një lugë druri.
• Shtojmë kripën dhe ujin e nxehtë dhe vazhdojmë të kaurdisim derisa buka të thithë të gjithë lëngun.
• Unë pasi i kam hedhur ujin e transferoj Paparen në një tavë dhe e fus për gati 10 min në furrë të parangrohur me temperaturë 200 gr C. E bëj këtë pasi buka në përgjithësi pasi shtohet uji fillon të squllet dhe humb formë.
• Pasi e nxjerr nga furra shtojmë djathin e thërrmuar, hudhrat e shtypura nëse i preferoni, rigonin ose nenexhikun e grirë hollë i kaurdisim të
• gjitha bashkë dhe i largojmë nga zjarri.
• Paparen e shërbejmë në pjata dhe sipër e spërkasim me gjalpë pak djathë dhe nenexhik të freskët!

Receta dhe foto marrë nga Luga e Argjendtë

Foto e kopertinës nga: armandhabazaj