Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Musaka me patate e pulë. Receta nga Zonja Vjollca
Në dilemë se çfarë të gatuani sot për drekë? Si thua për një musaka me patate e mish pule
Ingredientët
- 1.2 kg patate
- 500 gram fileto pule
- 1 qepë
- 200 gram kaçkavall i butë
- 1/2 tufë majdanoz
- 250 gram krem kosi
- 2 kokrra vezë
- Kripë dhe piper i zi
- Vaj
Udhëzimet
1
Qërojmë patatet dhe i presim ato në feta jo shumë të trasha. Mishin e pulës e pastrojmë dhe e presim në copëza të vogla.
2
Ngrohim vajin dhe kaurdisim mishin derisa të zbardhet, rregullojmë shijen me kripë dhe piper dhe shtojmë në të qepën të prerë në rrathë të hollë.
3
E lëmë qepën në zjarr sa të ulë volumin. Lyejmë tepsinë me yndyrë dhe vendosim fetat me patate sikurse tjergullat, njëra pas tjetrës. Mbi shtresën me patate vendosim mishin, e nivelojmë atë dhe vendosim feta djathi (ose djathë të grirë).
4
Mbi djathë vendosim fetat me patate duke shtuar rreshtin e dytë me patate, përsëri mbi patatet mish e më pas djathë.
5
Përsëri shtojmë shtresë patate e mishi, derisa të përfundojë mishi duke i mbuluar me djathë. Në fund vendosim përsëri një shtresë patate e mbi të, përsëri djathë.
6
Në një tas përziejmë kremin e kosit me 2 kokrra vezë, pak kripë dhe piper i zi.
7
Pasi ta përziejmë mirë, e mbulojmë djathin që hodhëm mbi patate me kremin e kosit, e nivelojmë mirë dhe vendosim tavën në furrë në temperaturë 190 gradë celsius për 50 minuta.
Shënime
Receta dhe foto marrë nga shqiptarja.com
Lini një koment