Patate keni besoj në kuzhinë, qepë po e po. Recetën e qofteve jua sjell Neps.al. Çfarë pret për të nisur nga puna?
Lani mirë patatet dhe i vendosni në një tenxhere me ujë e kripë për t’i zierë. Ndërkohë grini imët qepën dhe e vendosni në një tigan për ta skuqur bashkë me gjalpin.
Pasi patatet të jenë zierë, i kaloni në ujë të ftohtë për disa minuta sepse kështu do e keni më të lehtë për t’i hequr cipën.
I vendosni në një enë dhe i shtypni me një pirun.
Shtoni qepën, miellin, vezën dhe filloni t’i përzieni mirë. I rregulloni me pak kripë e piper.
E mbuloni tasin me një qese kuzhine dhe e lini për 30 minuta në frigorifer.
Pasi ka kaluar koha e nxirrni tasin dhe filloni e formoni disa toptha të vegjël.
I spërkasni me pak miell dhe i vendosni për t’i skuqur në një tigan, ku vaji duhet të jetë nxehur më parë.
Këto mund të piqen edhe në furrë, për të shmangur vajin.
Lini një koment