Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Lazanja e pazakontë, por super e shijshme me pulë, djathë e spinaq!
Le të dalim pak jashtë kornizave e le ta shijojmë lazanjën me presh, djathë kaçkavall e mish pule. Eshtë kaq e shijshme!
Ingredientët
- 1 pako lazanja
- 300 gram mish pule
- 300 gram spinaq
- 2-3 presh (pjesa e bardhë)
- 2 lugë gjelle vaj ulliri
- 1 lugë gjelle gjalpë
- 100 gram djathë kaçkavall
- Kripë, piper
- Salca: 4 lugë gjelle gjalpë, 4 lugë gjelle miell, 1 lugë gjelle mustardë, 4 gota qumësht, 100 gram djathë kaçkavall
Udhëzimet
1
Në një tigan ngrohim vajin e ullirit dhe kaurdisim mishin e pulës të prerë në copëza të vogla. Pasi mishi të fillojë të ndryshojë pak ngjyre shtojmë preshin dhe vazhdojmë kaurdisjen duke shtuar pak kripë dhe piper.
2
Pasi preshi të jetë zbutur shtojmë spinaqin dhe e lemë në zjarr vetëm për 1 minutë së bashku me përbërësit e tjerë.
3
Ndërkohë përgatisim salcën beshamel. Shkrijmë fillimisht gjalpin dhe kaurdisim miellin derisa të ndryshojë ngjyrë. Shtojmë më pas qumështin dhe vazhdojmë trazimin derisa salca të lidhet dhe të bëhet kremoze.
4
Në fund shtojmë pak mustardë dhe pak djathë të grirë në rende. Hedhim 1/3 e beshamelit tek tigani ku kaurdisëm mishin e pulës me preshin dhe spinaqin.
5
Marrim një tavë, e lyejmë me pak gjalpë dhe vendosim një shtresë me masën e përgatitur. Vendosim më pas një shtresë me petë lazanje, një shtresë me mishin e pulës dhe preshin, pak beshamel, përsëri petë lazanje, mbushje dhe në fund beshamel.
6
E spërkasim të gjithë sipërfaqen me djathë të grirë në rende dhe e vendosim lazanjën në furrë të ngrohtë në temperaturë 180-200 gradë Celsius për 30-35 minuta.
Shënime
Receta marrë nga: balkanweb.com Realizuar më parë nga Zonja Katerina
Lini një koment