E keni provuar ndonjëherë me kungull lakrorin? Paskeni bërë gabim të madh, më besoni!
Ngrohim fillimisht ujin, hedhim kripë dhe miellin e misrit dhe e përziejmë derisa të bëhet një brumë i butë.
Ziejmë kungullin me 1 gotë ujë. Heqim pjesën e brendshme dhe e kthejmë në pure.
E vendosim më pas në një tenxhere me qumësht duke shtuar kripë dhe gjysmën e sasisë së djathit. E përziejmë mirë derisa të bëhet një krem i lidhur.
Lyejmë një tavë me gjalpë ose vaj dhe shtrojmë brumin me miell misri të cilin e nivelojmë mirë duke ngritur paksa anët.
Hedhim kungullin e përgatitur duke vendosur disa copëza gjalpi vende-vende dhe djathin e thërrmuar.
E spërkasim në fund sipërfaqen me pak miell misri dhe e vendosim të piqet në furrë në temperaturën 180-200 gradë për 25-30 minuta.
Receta marrë nga balkanweb.com
Lini një koment