Koha është fiks për një pjatë pasta primavera!

Vendosim në zjarr një tenxhere me ujë të bollshëm për të valuar, pak kripë dhe makaronat.

Në një tigan me vaj ulliri të ngrohur shtojmë hudhrat të grira imët, shtojmë speca të prerë në gjatësinë e makaronave, dhe kungullin po ashtu të prerë në gjatësinë e specave.

I kaurdisim përsëri për 3-4 minuta, shtojmë kërpudhat në feta, i kaurdisim përsëri për 2 minuta.

Më pas shtojmë bizelet, asparagun të prerë si perimet e tjera, karotën e prerë në kubik dhe i përziejmë sëbashku.

Në fund vendosim domatet të prera në gjysmë, rregullojmë shijen me kripë dhe piper të zi.

I përziejmë derisa perimet të ulin volumin dhe të jenë pak aldente. Kullojmë makaronat dhe i shtojmë në tenxheren me perime bashkë me një garuzhde lëng makaronash.

I përziejmë mirë për një minutë dhe i servirim duke i spërkatur me parmigiano dhe borzilok.