Qumështi dhe produktet e tij përmbajnë një lloj sheqeri të quajtur laktozë. Trupit i duhet të prodhojë një enzimë të quajtur laktazë për ta tretur. Disa njerëz nuk prodhojnë laktazë që në lindje ose e humbasin këtë aftësi gjatë jetës së tyre, duke shkaktuar mostretje të laktozës. Kjo është arsyeja që shkakton intolerancë ndaj laktozës.
Si të kuptoni që jeni intolerant ndaj laktozës?
Nëse filloni të ndiheni keq 30 minuta deri në 2 orë pas kosnumimit të qumështit ose një nënprodukti të tij, atëherë me shum gjasa mund të vuani nga intoleranca ndaj laktozës.
Duhet të keni parasysh që intoleranca ndaj laktozës dhe alergjia ndaj qumështit janë dy gjëra të ndryshme. Dikush që ka alergji nga qumështi përjeton simptoma serioze menjëherë pas pirjes së qumështit ose produkteve të bulmetit si marrje fryme, teshtima ose urth. Në këtë rast, nuk është laktoza që i shkakton këto probleme, por disa proteina prezente te qumështi si për shembull, casein.
Nga ana tjetër, simptomat që përjeton dikush që vuan nga intoleranca ndaj laktozës pas tretjes së qumështit janë më të lehta dhe prekin vetëm sistemin tretës.
Nëse dyshoni se jeni intolerant ndaj laktozës ka një mënyrë të thjeshtë për ta përcaktuar. Pini një gotë qumësht dhe prisni. Nëse përjetoni disa prej simptomave më poshtë gjysmë ore deri në dy orë pasi keni pirë qumështin, atëherë dyshimet tuaja janë të sakta:
1-Kërcitje të zorrëve
Kërcitja e zorrëve tregon që trupi e ka shumë të vështirë të bëjë punën e tij për të tretur qumështin.
2-Diarre
Nëse përjetoni kërcitje të zorrëve dhe zhurma të tyre, ka gjasa që të keni diarre më pas dhe kjo është një shenjë e qartë që sistemi tretës nuk ka mundur të procesojë qumështin ose një nënprodukt të tij.
3-Ndryshime të jashtëqitjes
Përveç diarresë, disa ndryshime të jashtëqitjes mund të flasin për një intolerancë ndaj laktozës. Për shembull, tek një person me intolerancë ndaj laktozës, jashtëqitja mund të jetë shkumoze, me ngjyrë të zezë ose me gjurmë gjaku. Gjithashtu jashtëqitja mund të shoqërohet edhe me dhimbje.
4-Gazra të tepërt
Ju gjithashtu mund të përjetoni gazra të tepërt duke pasur edhe një mungesë rehatie. Gazrat e ngecur në stomakun tuaj zgjerojnë pjesën e abdomenit duke ju dhënë edhe spazma.
5-Të vjella dhe të përziera
Disa minuta pasi të keni pirë qumësht ose të keni konsumuar produkte të tjera bulmeti, mund të ndiheni keq. Kjo sepse keni futur në sistemin tretës diçka që sistemi juaj nuk e përpunon dot me efikasitet. Ju gjithashtu mund të përjetoni të vjella nëse jeni intolerantë ndaj laktozës.
Lini një koment