Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Gjellë me mish pule dhe perime
Falë mishit të pulës, tek kjo recetë shijoni një pjatë plot vlera ushqyese dhe pa shumë yndyrë!
Ingredientët
- 2 gjoks pule
- 2 lugë gjelle vaj ulliri
- 2 karota të prera në copa të vogla
- 1 qepë e vogël
- 2 degë selino
- 3 lugë gjelle miell
- ½ lugë çaji rozmarinë
- ½ lugë çaji trumzë
- Kripë, piper për shije
- 2 patate të qëruara në kubik të vegjël
- 1 spec i kuq
- 1 filxhan bizele
- ½ filxhan me pana kuzhine
- ¼ filxhan verë e bardhë
Udhëzimet
1
Në nje tenxhere me vaj ulliri skuqni mishin e pulës me pak kripë e piper.
2
Sapo të jetë gatuar e lini mënjanë.
3
Në po të njëjtën tenxhere vendosni për të skuqur qepën, karotën, selinonë derisa të zbuten tërësisht.
4
Shtoni 3 lugë gjelle miell dhe i marinoni me kripë e piper. I lini edhe për dy minuta të tjera në zjarr.
5
Shtoni patatet, specin e kuq e prerë në copa të vogla, mishin e pulës dhe ne fund verën e bardhë. I përzieni mirë.
6
Shtoni lëngun e perimeve deri në nivelin e gjellës dhe i vini kapakun. E lini në zjarr përreth 30 minuta.
7
Në fund i shtoni rozmarinën, trumzën, panën e kuzhinës dhe e shërbeni të ngrohtë. Ju bëftë mirë!
Lini një koment