Fileto pule në furrë marinuar me kos e hudhra

Lajmë mishin e pulës dhe e presim atë në kubikë sipas dëshirës.

Në një tas vendosim një lugë gjelle miell, kos, vaj, kripë, piper të zi, piper të kuq dhe 1 thelpi hudhër të shtypur.

I përziejmë të gjithë përbërësit derisa të na formohet një masë në trajtën e një salce.

Vendosim në të copat e pulës dhe i përziejmë mirë me qëllim që të na vishen me salcën.

E mbulojmë dhe e lëmë 30 minuta ose një orë në frigorifer.

Nxehim furrën në temperaturën 200 gradë Celsius. Vendosim copat e pulës njëra pas tjetrës në tepsi.

Salcën që ka tepruar e hedhim mbi copat e mishit. Vendosim tepsinë në furrën e parangrohur për 50 minuta.