E thjeshtë dhe plot shije të mirë, kjo është receta e penneve me pulë

Zieni pennet me metodën e zakonshme në një tenxhere me ujë e kripë.

Më pas i kulloni dhe lini pak mënjanë.

Në një tigan të thelle skuqni gjalpin, shtoni hudhrat, spinaqin dhe i përzieni mirë. Pas 3 minutash i hiqni nga zjarri dhe e lini mënjanë.

Në po të njëjtin tigan shtoni vaj ulliri dhe skuqni gjoksin e pulës me pak kripë, piper e rigon. Skuqeni mirë nga të dyja anët.

Lërëni të ftohet 5 minuta dhe me ndihmën e një thike e prisni në copa të vogla.

Tani e shtoni sërish në tigan në zjarr mesatar, shtoni verën, i përzieni mirë. Shtoni kremin e djathit dhe djathërat.

Sapo të jenë shkrirë shtoni pennet dhe i përzieni mirë e mirë të gjitha bashkë. I shërbeni të ngrohta me pak galetë sipër. Ju bëftë mirë!