Frutat e detit duhet të jenë më shumë prezente në tavolinat tona. Niseni duke përgatitur një sallatë të shijshme me to. Neps.al ju tregon hapat e përgatitjes...
Vendosni për të zier karkalecat bashkë me guaskën përrreth 10 minuta në ujë të vluar. Pastroni sepjet dhe oktapodin, më pas kulloni karkalecat dhe qërojini.
Gatuani në të njëjtën enë sepjet dhe oktapodin përreth 20 minuta.
Më pas në një enë vendosni vongolet dhe prisni sa të hapen. Në një enë tjetër vini për të zier perimet mikse përreth 15 minuta.
Grini hollë hudhrën dhe bashkojeni me majdanozin, trumzën, pak finok, vaj ulliri, lëng limoni, kripë dhe piper.
Më pas prisni në copa oktapodin dhe sepjet, vendosini në tas për sallatë bashkë me karkalecat, vongolet dhe perimet dhe në fund rregulloni sallatën me salcën e përgatitur. Shërbejeni dhe tani është koha për ta shijuar!
Lini një koment