Çikorja, një super ushqim i stinës. Një ide e mirë për ta shijuar më shumë
Çikorja, ashtu si të gjitha bimët e egra, është një ndër dhuratat më të mira të pranverës pasi përmban vitamina, antioksidantë dhe vlera të tjera ushqyese në sasi të përqendruara. Meqë jemi në periudhën e cikoreve, duhet t’i përdorim sa më shumë dhe një mënyrë për t’i gatuar e shijuar maksimalisht është dhe kjo sallatë me cikore e patate.
Përbërësit:
200 gr cikore
3 qepë të njoma
100 gr pançetë e tymosur ose bacon
400 gr patate
Kripë
Majdanoz
4 lugë uthull e kuqe
Vaj ulliri e.v
Përgatitja:
Lani cikoren, thajeni, copëtojeni me duar dhe vendoseni në një enë. Qëroni patatet dhe gatuajini në avull për 20 minuta. Merrni pançetën, priteni dhe skuqeni në një tigan që nuk ngjit pa yndyrë të shtuar.
Lani një tufë majdanoz dhe ruani vetëm gjethet, qëroni qepët e njoma dhe pritini imët.
Në një tas të vogël përgatisni vinaigreete duke përzier mirë vajin e ullirit, uthullën e pak kripë.
Patatet e gatuara në avull pritini në feta me trashësi gjysmë centimetri, vendosini në një pjatë servirjeje dhe sipër shtojuni cikoret e pançetën krokante. Kompletojeni sallatën me vinaigrette dhe përziejeni para se ta servirni.
1️⃣ Përgatitja e brumit Në një tas, përzieni vezët me Nutellën derisa të krijohet një masë homogjene. Shtoni miellin, pluhurin pjekës dhe kripën, duke e përzier ngadalë derisa të lidhen të gjitha përbërësit. 2️⃣ Pjekja Hidheni brumin në një...
1️⃣ Përzierja e përbërësve Qëroni bananen dhe hiqni tulin e avokados. Vendosini në një tas ose në një blender të vogël. 2️⃣ Blenderimi Shtoni qumështin e gjirit ose formulën nëse dëshironi një teksturë më të butë. Përdorni një pirun...
1️⃣ Përzierja e përbërësve Vendosni të gjithë përbërësit në një blender të fuqishëm. 2️⃣ Blenderimi Përziejini për 1-2 minuta derisa të krijohet një masë kremoze dhe homogjene. 3️⃣ Shërbimi Hidheni në një gotë të madhe dhe shijojeni menjëherë! 🔹...
Lini një koment