Sa shumë gjëra të mira mund të bëjmë me kungulleshkat. Ja për shembull këtë byrekun role me shije fantastike që Neps.al ju sugjeron sot....
Grijmë kungullin në rende dhe e vendosim në një tas të madh ku shtojmë djathin e bardhë të thërrmuar, vezët, panën, miellin ermik ose orizin, kripë, piper, koper, nenexhik dhe majdanoz të grirë hollë.
Në një tavë hapim 4-5 petë njëra mbi tjetrën duke i spërkatur me pak vaj.
Ndajmë masën e përgatitur në 2 pjesë dhe e vendosim në të dyja anët e tavës si në formë shiriti dhe fillojmë nga njëra anë e tavës të palosim petët si role deri në gjysmën e tavës dhe po të njëjtën gjë bëjmë dhe nga ana tjetër duke palosur petët derisa të bashkohen me rolenë tjetër.
I spërkasim roletë me pak vaj dhe i vendosim në furrë të parangrohur në temperaturë 180 gradë Celsius për 45-50 minuta. Shijojini dhe ndajeni recetën me miqtë tuaj!
Receta marrë nga: balkanweb.com
Lini një koment