Kungulli do i japë një shije fantastike kësaj recete të thjeshtë!
Kungullin lajeni mirë, e prisni në 4 pjesë. 1 copë e fusni në furrë për ta pjekur për 25 minuta në temperaturë 180 gradë.
Pas kësaj e nxirrni dhe me ndihmën e një lugë gjelle i merrni tulin.
Në një enë bashkoni tulin e kungullit, sheqerin, arrat e thërrmuara dhe kanellën. I përzieni mirë të gjitha.
Hapni në tavolinën e punës petën sfoliatë, e prisni në shirita të gjatë. Vendosni tek secila 1 lugë gjelle nga masa që përgatitët. Në fund e palosni në formë drejtëkëndëshe.
Sipër i lyeni me pak të verdhë veze, duke u munduar të mbyllni edhe cepat që mbushja të mos dalë jashtë gjatë pjekjes.
Tani i vendosni në një tavë ku keni vendosur më parë një letër kuzhine. I shtypni pak cepat me ndihmën e një piruni.
I fusni në furrë për 20 minuta në temperaturë 180 gradë celsius.
Kur të jenë gati i nxirrni jashtë dhe i shtoni sipër pak sheqer pluhur. Ju bëftë mirë!
Lini një koment