Bukë me fara kungulli pa miell, pa gluten, pa sheqer
Kjo bukë përmban një shumëllojshmëri farash të shëndetshme dhe nuk përmban fare miell.
Po, po e lexuat mirë. Prandaj ne pak më sipër e quajtëm të pazakontë. Për ta vërtetuar këtë që sapo thamë duhet patjetër ti hidhni një sy recetës.
Nëse do ta përgatisni, ndani me ne fotot dhe përshtypjet tuaja.
Përbërësit:
150 gram fruta të thata të përziera (arra, bajame, lajthi)
45 gram fara chia
85 gram fara lini
160 gram fiq të thatë
450 gram tul kungulli (pa sheqer)
1 lugë kripë
240 ml qumësht bajameje
60 ml vaj ulliri
170 gram shurup panje
150 gram fara kungulli (të qëruara)
220 gram tërshërë
1 lugë çaji erëza prej kungulli
Përgatitja:
Në një tavë ku keni shtruar një letër kuzhinë kombinoni frutat e thata, farat e kungullit dhe i piqni për 10 minuta në temperaturë 180 gradë. Pasi të jenë gati i kaloni në një tas dhe sipër shtoni farat chia, fiqtë e thatë, farat e linit dhe tërshërën.
I përzieni mirë me ndihmën e një spatule kuzhine. Shtoni kripën, erëzat dhe vazhdoni t’i trazoni. I lini pak mënjanë.
Merrni një tas tjetër dhe shtoni purenë e kungullit, qumështin, vajin e ullirit dhe shurupin e panjës. I përzieni mirë. Pasi të keni krijuar një masë homogjene, shtoni masën e tasit që e latë mënjanë pak më parë. E përzieni mirë dhe ngadalë.
Do të formohet një brumë i trashë. Vendoseni me kujdes në një tavë me formë drejtëkëndore, që në fund të ketë formën e bukës që ju e blini çdo ditë në dyqan.
Nivelojeni mirë masën e bukës. E fusni në furrë për tu pjekur në temperaturë 200 gradë Celsius për 1 orë e 20 minuta. Shijojeni!
1️⃣ Ziej patatet, qëroji dhe shtypi derisa të bëhen pure. 2️⃣ Shto djathin, vezën, bukën e grirë, kripën dhe piperin. Përziej derisa të formohet një masë homogjene. 3️⃣ Merr nga masa dhe formo kroketat në formë cilindrike ose ovale....
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
1️⃣ Në një tenxhere, ngrohni vajin dhe skuqni qepën dhe hudhrën për 2-3 minuta. 2️⃣ Shtoni karrotat, patatet dhe salcën e domates. Përziejini dhe lërini të marrin aromë. 3️⃣ Shtoni thjerrëzat, kripën, piperin dhe qimnonin. Hidhni ujin ose lëngun...
Lini një koment