Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Tespishte me gjalpë
Cool fare kjo ëmbëlsira! Keni provuar më parë ta përgatisni? Tani është koha ta bëni me recetën që Neps.al ju sjell sot!
Ingredientët
- 250 gram gjalpë
- 50 gram sheqer
- 4 kokrra vezë
- 400 gram miell
- 1 lugë çaji pluhur pjekës
- Shërbeti: 500 gram sheqer, 350 ml ujë, 2 feta limon
Udhëzimet
1
Vendosim gjalpin të zbutet në temperaturë të ulët. Më pas e hedhim në një tas ku do të shtojmë 50 gr sheqer.
2
I përziejmë së bashku duke shtuar njëra pas tjetrës të verdhat e vezëve plus një të plotë. I përziejmë mirë deri sa të formohet një brumë i lidhur po jo i fortë.
3
E lëmë pak të butë. Trazimi bëhet me lugë druri ose me dorë. E vendosim në një tavë të vogël duke e niveluar mirë.
4
E presim në copa si bakllava dhe më pas e pjekim në temperaturë 170 ºC për 25 minuta deri sa të marrë një faqe të verdhë të çelët.
5
Ndërkohë që ëmbëlsira piqet, hedhim përbërësit e shërbetit në një tenxhere dhe e lëmë të ziejë vetëm 5-7 minuta nga çasti i vlimit.
6
E lëmë shërbetin t'i bjerë vala. Pasi piqet ëmbëlsira e lëmë të bjerë temperature dhe e shërbetosim.
7
E lëmë deri sa të përthithet shërbeti, njëkohësisht dhe të ftohet dhe e shërbejmë. Ju bëftë mirë!
Shënime
Receta dhe fotoja marrë nga shqiptarja.com Realizuar më parë nga kuzhinierja e njohur Zonja Vjollca
Lini një koment