Tavë orizi me qofte të bëra vetë!

Për tavën e qofteve si fillim përgatisni qoftet duke hedhur në një enë mishin e grirë, vezën, thërrimet e bukës, qepën dhe erëzat.

I përzieni mirë dhe i lini të pushojnë për 10 minuta.

Ndërkohë përgatisni tavën duke grirë qepën hollë dhe hidheni në një tigan me vaj ulliri të skuqet deri sa të zbutet.

Më tej shtoni kripën, domatet dhe lërini në zjarr edhe 5 minuta.

Merrni masën e përgatitur për qoftet dhe jepuni formën e dëshiruar me duar.

I shtroni qoftet në tavë dhe sipër hidhni orizin, specat, qepën e gatuar dhe ujë të valuar.

Futeni tavën në furrë në 200 gradë dhe lëreni të piqet për 10 minuta.

Ulni pak nxehtësinë dhe lërëni të piqet edhe 15-20 minuta sa orizi dhe mishi të jenë pjekur.

Tava është gati, ju bëftë mirë!