Receta e ditës: Lazanja në formë zemre për të dashuruarit!
Lazanja në formë zemre
Persona: 2
Koha e përgatitjes: 20 minuta–Koha e gatimit: 40 minuta
Ingredientët
2 qepë të grira imët
2 thelpi hudhra
Pak rigon
200 gram mish të grirë
kripë dhe piper të zi
5 lugë gjelle salcë domatesh
2 gota ujë
150 gram rikota
150 gram mozarela
2 vezë
100 gram djathë parmexhano
pak majdanoz
Udhëzimet
1
Grini imët qepën dhe e skuqni me pak vaj. Shtoni hudhrat dhe rigonin.
2
Pasi qepa të jetë vyshkur shtoni mishin e grirë, kripën dhe piperin. E lini masën në zjarr derisa të trashet.
3
E trazoni mirë dhe më pas shtoni salcën e domateve. Shtoni edhe ujin.
4
Ndërkohë në një enë tjetër përzieni rikotën, mozarelën, vezën dhe djathin parmixhano. Shtoni pak majdanoz, kripë dhe piper.
5
Do të merrni një enë në formë zemre. Vendosni një shtresë petësh lazanja të gatshme. Vendosni një shtresë nga masa me mish dhe një shtresë tjetër nga masa me djathë që përgatitëm.
6
Vendosni një shtresë tjetër petësh. Përsëriteni dy herë mbushjen.
7
Në fund mblidhni cepat e petëve. E fusni në furrë për t’u pjekur në temperaturë 180 gradë celsius për 40 minuta. Ju bëftë mirë dhe mos harroni të dhuroni shumë dashuri!
1️⃣ Përgatitja e brumit Në një tas, përzieni vezët me Nutellën derisa të krijohet një masë homogjene. Shtoni miellin, pluhurin pjekës dhe kripën, duke e përzier ngadalë derisa të lidhen të gjitha përbërësit. 2️⃣ Pjekja Hidheni brumin në një...
1️⃣ Përzierja e përbërësve Qëroni bananen dhe hiqni tulin e avokados. Vendosini në një tas ose në një blender të vogël. 2️⃣ Blenderimi Shtoni qumështin e gjirit ose formulën nëse dëshironi një teksturë më të butë. Përdorni një pirun...
1️⃣ Përzierja e përbërësve Vendosni të gjithë përbërësit në një blender të fuqishëm. 2️⃣ Blenderimi Përziejini për 1-2 minuta derisa të krijohet një masë kremoze dhe homogjene. 3️⃣ Shërbimi Hidheni në një gotë të madhe dhe shijojeni menjëherë! 🔹...
Lini një koment