Mishin e pulës futeni në një tenxhere të ziejë në ujë me kripë për 15-20 minuta.
Më pas kullojeni dhe vendosini në një tavë me pak gjalpë, hidhini pak kripë sipër dhe futeni në furrë të piqen në 180°C.
Ndërkohë në një tigan hidhni pançetën, kur të jetë skuqur mjaftueshëm shtoni qepën e grirë imët dhe hudhrën e prerë në feta.
Shtoni kripë dhe piper të zi dhe skuqeni derisa qepa të jetë zbutur paksa.
Bashkoni dhe kërpudhat e prera në feta dhe 2 lugë vaj ulliri dhe vijoni kaurdisni kërpudhat.
Sapo kërpudhat të marrin faqe shtoni dhe panën.
Shtoni te pula salcën me kërpudha dhe një gotë lëng nga lëngu i zierjes së pulës.
Sipër shtoni dhe disa degë trumze.
Rrisni temperaturën e sobës në 220°C dhe piqeni tavën akoma për 10-15 minuta të tjera.
Shoqërojeni me disa perime të pjekura në furrë ose zgarë.
Lini një koment