Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Petë sfoliatë me manaferra. Të shijshme sa më s'ka!
Një ëmbëlsirë fantastike, prapa së cilës fshihet një recetë e thjeshtë, që mund të realizohet nga kushdo prej jush!
Ingredientët
- 120 gram krem djathi
- 2 lugë gjelle sheqer
- 1 lugë gjelle lëng portokalli
- 1 lugë çaji lëkurë e grirë portokalli
- 2 lugë çaji ekstrakt vaniljeje
- Pak miell, për të punuar në sipërfaqen e punës
- 2 petë të gatshme sfoliatë
- 2 filxhanë me manaferra (mund t’i blini edhe frigoriferi)
- 1 vezë e madhe e rrahur me 1 lugë gjelle ujë
- Pak sheqer pluhur, për ta spërkatur në sipërfaqe
Udhëzimet
1
Parangrohni furrën në 200 gradë celsius.
2
Ndërkohë në një enë kombinoni kremin e djathit, sheqerin, lëngun e portokallit, lëkurën e portokallit dhe ekstraktin e vaniljes. I rrihni derisa të kombinohen mirë.
3
Në tavolinën e punës shtoni pak miell dhe hapni petët sfoliatë.
4
Ndajeni në 12 copa rrumbullake me ndihmën e një gote (përdorni pjesën e fundit të saj).
5
Tek secila prej tyre vendosni nga 1 lugë nga mbushja që përgatitët. Sipër i vendosni petën tjetër sfoliatë dhe secilës mbushje i vendosni sipër nga një gotë. Rëndojini në mënyrë që t’i shkëpusim copat nga njëra tjetra.
6
Shiritat e petëve sfoliatë që do të ngelen, i përdorni për t’i dekoruar këto ëmbëlsira, duke ia vendosur si gërshet rreth e përqark.
7
Merrni një tavë, vendosni një letër kuzhine dhe sipër radhisni ëmbëlsirat.
8
I fusni në furrë për 10 minuta. Më pas i nxirni, i shtoni pak krem djathi secilës dhe i fusni sërish në furrë edhe për 10 minuta të tjera.
9
Pasi të jenë gati, i nxirrni dhe i lini të ftohen disi, para se t'i konsumoni. Në sipërfaqe, mos harroni t’i shtoni disa manaferra. Ju bëftë mirë!
Lini një koment