Sugjerojmë:
Të gjithë e kemi vënë re se kur lëmë një avokado të ekspozuar për një kohë të gjatë ndaj ajrit, ajo fillon të bëhet ngjyrë kafe. Kjo ndodh kur një enzimë e quajtur ‘polyphenol oxidase’ dhe një kimikat i quajtur ‘polyphenolos’ hyjnë në një reaksion pas ekspozimit në ajër duke shkaktuar ndryshim të ngjyrës.
Në fakt, nuk ka një mënyrë për ta shmangur këtë, por shefi i famshëm i kuzhinës Nick Stellino ka treguar për RD se thikat metalike, veçanërisht ato që përmbajnë bakër dhe hekur (pra thikat e çelikut), shkaktojnë një nxirje më të shpejtë të avokadove. Dhe kjo vlen edhe për produkte të tjera.
A ka të drejtë Stellino? Me shumë mundësi, po! Disa njerëz i kanë testuar efektet e thikave të metalit në ushqime. Sipas një eksperimenti të bërë nga ‘Cook’s’, u zbulua se përdorimi i thikës plastike kishte një diferencë të madhe për sa i përket sallatës jeshile. U zbulua se thika plastike ishte në gjendje ta ruante sallatën jeshile deri në 24 orë më të freskët.
Një tjetër eksperiment u krye me thikat e qeramikës tek mollët dhe avokadot. Dhe në mënyrë surprizë u zbulua se thikat e qeramikës parandalonin nxirjen enzimatike për një kohë më të gjatë.
Pra, nëse doni t’i ruani avokadot tuaja jeshile, përdorni një mjet prerës plastik për to. Sigurisht tek parandalimi i nxirjes përfshihen edhe faktorë të tjerë si ruajtja në mënyrën e duhur apo mënyra e duhur për t’i prerë ato.
Lini një koment