Kjo recetë e kësaj ëmbëlsire kaq të shijshme dhe freskuese është përgatitur nga e njohura zonja Vjollca. Neps.al e sjell për ju, në mënyrë që të keni mundësi ta shijoni brenda 50 minutave.
Grijmë biskotat dhe më pas i përziejmë ato me gjalpin e tretur. Në një tepsi unazë me diametër 23 cm vendosim letër pjekjeje.
Shtoni biskotat të përziera me gjalpin dhe i nivelojmë duke e ngjeshur me fundin e një gote. Vendosim tepsinë në akull për 15 minuta.
Në një tas me ujë të ftohtë vendosim fletën e xhelatinës për ta zbutur për 10 minuta.
Ndërkohë rrahim panën me rrahëse elektrike deri sa të na ngurtësohet. Në një tas tjetër bahkojmë kosin e frutave me kremin e djathit e sheqerin dhe i përziejmë mirë.
Më pas bashkojmë kremin e panës me kosin dhe kremin e djathit. I përziejmë mirë të gjitha së bashku në një tas.
Shtrydhim një limon dhe lëngun e tij e vendosim në një xhezve. Shtojmë në të xhelatinën e zbutur në ujë të ftohtë.
Vendosim xhezven në zjarr dhe e trazojmë vazhdimisht deri sa xhelatina të shkrihet dhe të kthehet në lëng.
E largojmë dhe e lëmë ti bjerë pak temperaturë dhe e përziejmë me kremin.
Më pas kremin e shtrojmë mbi bazën me biskota dhe e nivelojmë mirë dhe e vendosim përsëri në frigorifer në fresk për 3 orë ( në akull për 1 orë).
Për dekorin përfundimtar shtrydhim 2 limona, i përziejmë mirë dhe e vendosim në zjarr për të zier 4-5 minuta.
E trazojmë vazhdimisht. E hedhim mbi kremin e kekut dhe e nivelojmë me kurrizin e lugës.
E vendosim përsëri në frigorifer për të ngrirë pjesën e sipërme 30 minuta. Në fund e dekorojmë me feta limoni sipas shijeve tona.
Lini një koment