Me miell misri dhe qepë të njoma, këto qofte janë praktike dhe me super shije!

Vendosim në zjarr një tenxhere me ujë për të valuar. Shtojmë 3 lugë gjelle vaj ulliri, kripë, pak nga pak miellin e misrit duke e trazuar vazhdimisht me lugë druri deri sa të na formohet një masë brumi e trashë.

E lëmë të gatuhet në tenxhere duke e përzierë deri sa brumi të shkëputet nga anët e tenxheres.

Largojmë brumin nga temperatura dhe e lëmë të ftohet pak. Ndërkohë në një tigan kaurdisim qepët të grira hollë, derisa të ulin volumin.

Shtojmë erëzat, majdanozin, kripën, i përziejmë për 1 minutë dhe e largojmë nga zjarri.

Pasi brumi të ftohet shtojmë sodë buke dhe vezën. I përziejmë sëbashku me djathin e thërrmuar dhe qepët me majdanoz, kopër, shtojmë nenexhik, kripë dhe piper të zi.

I bashkojmë mirë të gjithë përbërësit dhe lugë-lugë formojmë qoftet.

I rrotullojmë në miell gruri dhe i skuqim në vajin e nxehtë në tigan. I zverdhim nga të dyja anët dhe i shërbejmë me kos, xaxiq ose tarator. Shijojini!