Le t'i shfrytëzojmë portokajtë për një gliko me shije dhe aromë unike!
Si fillim, qëroni mirë portokajtë, duke u pastruar edhe pjesën e bardhë që mbetet dhe më pas i prisni në feta të holla.
Futini portokajtë në ujë dhe vendosini të ziejnë.
Pasi uji arrin pikën e vlimit dhe portokalli ka arritur proçesin e tij termik, i nxirrni dhe i vendosni në një enë me ujë të ftohtë.
Pasi portokalli ftohet, në një enë tjetër hidhni 150 ml ujë dhe i shtoni 300 gram sheqer.
Pasi bëni bashkimin e këtyre përbërësve, i vendosni në zjarr të lehtë deri sa të fillojë të trashet pak lëngu.
Pas këtij procesi, hidhni portokajtë dhe lerini në zjarr të ulët për 10 minuta.
Pas 10 minutave e hiqni enën nga zjarri.
Lëreni për 30 minuta deri sa masa që ndodhet në enë të ftohet plotësisht.
Më pas e vendosni enën sërish në zjarr të ulët për 10 minuta të tjera dhe hiqeni sërish e lëreni të ftohet.
Këtë proces do e bëni 3-4 herë, deri sa lëngu i glikosë të jetë i trashë.
Pas përfundimit të gatimit, shërbejeni glikonë.
Lini një koment