Kiflet janë vërtet shumë praktike për t'u bërë. Mund t'i merrni me vete në një udhëtim, punë, shkollë e kudo tjetër!
Në tavolinën e punës shtroni miellin dhe hapni një hapësirë në mes. Shtoni qumështin.
Shtoni kripën, sheqerin, pluhurin pjekës dhe sodën.
Shtoni vajin dhe punojeni masën me duar.
Tani shtoni kosin dhe vazhdoni ta punoni brumin derisa të arrini një masë homogjene.
Hapni një petë të madhe dhe e ndani në shirita të gjatë.
Mbushjen mund ta bëni sipas dëshirës me rikota ose me nutella.
I rrotulloni më pas kiflet dhe i vendosni në një tavë ku keni shtruar më parë një letër kuzhine.
Sipër i lyeni me të verdhë veze dhe nëse dëshironi mund t'i shtoni edhe disa fara susami.
I fusni në furrë për 25 minuta në temperaturë 180 gradë. Prisni pak sa të ftohen dhe më pas mund t'i shijoni!
Lini një koment