Kek me rrush të thatë dhe mollë, ëmbëlsira më e dashur e shtëpisë!

Vendosim rrushin e thatë në lëng portokalli që të zbuten. Në një tas vendosim vezët të plota, kosin, sheqerin, qumështin, vajin dhe të gjithë këto përbërës i përziejmë mirë deri sa të na formohet një masë homogjene.

Shtojmë miellin pak nga pak, pluhurin pjekës si dhe 1 lugë çaji lëkurë portokalli. Punojmë brumin.

Shtrydhim rrushin e thatë nga lëngu i portokallit, i vendosim në brumë dhe vazhdojmë përzierjen.

Qërojmë mollën nga lëkura dhe e presim ne feta të holla. I spërkasim dhe ato me lëng portokalli dhe sheqer.

Lyejmë tepsinë me gjalpë, e pudrosim me miell dhe vendosim brumin në të.

Sipër brumit vendosim në formën e rrezes fetat e mollës duke shtuar mbi to dhe disa kokrra rrushi të thatë.

Në fund 1 lugë çaji sheqer dhe 1 lugë kafe kanellë i përziejmë dhe pudrosim mollën në sipërfaqe.

Vendosim tepsinë në furrë në temperaturë 175- 180 gradë Celsius për 35-40 minuta.

Në fund pasi e nxjerrim nga furra ashtu të ngrohtë mund ta lyeni sipër me pak reçel kajsie.