Guxo dhe shijo një smoothie me petale trëndafili!

Smoothiet janë një trend për shumë njerëz, jo vetëm për shijen e tyre, por edhe për faktin se të lejojnë të eksperimentosh së tepërmi.

Sugjerimi i Nepsit për sot është një smoothie me petale trëndafili.

Ju duhen:

• 1 ½ banane
• ½ pjeshkë ose portokall të kuq
• 100 gram luleshtrydhe
• 10 petale trëndafili ( të lara mirë dhe të pa spërkatura me ndonjë solucion).
• 4-5 kuba akulli

Udhëzime: 

Bashkoni të gjithë përbërësit në një blender, përveç akullit.

I trazoni derisa të bëhen një masë homogjene.

E shërbeni në një gotë dhe shtoni kubat e akullit.

Shijojeni. Ky smoothie është ideal për t’u shoqëruar me petulla ose me tost!