‘Gishtat e shtrigës’, s’kanë qenë ndonjëherë kaq të shijshme!

Në një mikser bashkoni gjalpin e shkrirë, me sheqerin dhe i rrihni 3 minuta. Shtoni vezën, vaniljen, arrëmyshkyn, pluhurin pjekës dhe kanellën. Vazhdoni t’i trazoni mirë.

Shtoni miellin dhe vazhdoni t’i përzieni. Nëse nuk keni një mikser elektrik mund t’i bëni manualisht me dorë në një enë të madhe.

Brumin e mbështillini me një letër kuzhine dhe e fusni në frigorifer për 1 orë.

Hapeni brumin në petë të madhe dhe e prisni në shirita të holla me ndihmën e një thikë.

I rrotulloni duke i bërë në format e gishtave, me pak majë në krye. Secilës i vendosni nga një bajame në fillim, sikurse në foto.

Ngrohni furrën ne 170 gradë celsius.

Merrni një tavë dhe rendisni në të “gishtat”, pasi keni shtruar një letër kuzhine më parë.

I lini të piqen për 7-12 minuta, varësisht sobës suaj. Kujdes: Mos i lini të digjen. Sa më të vogla biskotat, as më shpejt do të piqen.

Pasi të jenë pjekur, i lini pak të ftohen. I spërkasni me kakao pluhur dhe shijojini!