Pastrojmë kungullin dhe e grijmë atë në rende (nga ana më e trashë) vetëm tulin pa farat. E spërkasim kungullin e grirë me pak kripë dhe e lëmë të pushojë për 10 minuta.
Filetot e pulës të prera hollë i vendosim në një celefon dhe i shtypim lehtë. Marinojmë me kripë dhe piper të zi filetot dhe mbi secilën prej tyre vendosim nga një fetë proshutë spec.
Në mes të çdo fete speci vendosim nga 1 lugë gjelle kungull të grirë, por të shtrydhur mirë nga uji që ka nxjerrë.
Pasi vendosim kungull mbi të vëmë nga një copë ose topth të vogël mozzarella.
Bashkojmë skajet e filetos duke i ngjeshur me dorë pjesët anësore që janë bashkuar.
Rrahim në një pjatë vezën, kripë dhe piper të zi si dhe pak qumësht.
Në një pjatë tjetër vendosim bukën e thekur të grirë si dhe një lugë gjelle parmigiano ose djathë grana padana të grirë.
Kalojmë filetot e mbusura fillimisht në vezë e më pas në bukë të thekur të grirë dhe i vendosim në një tepsi ku kemi shtuar më parë letër pjekje të spërkatur me pak vaj.
Vendosim filetot e mbushura në tepsi, i spërkasim dhe sipër me pak vaj.
I vendosim në furrë në temperaturë 185-190 gradë Celsius për 30-35 minuta dhe më pas i servirim. Ju bëftë mirë!
Lini një koment