E nisim ditën me një picë super të shijshme dhe plot energji!

Ngrohni furrën në 220 gradë Celsius.

Në një tavë vendosni letër pergamene dhe vendosni sipër petën e picës.

Në një tigan me pak vaj ulliri hidhni salçiçet të skuqen.

Më pas nxirrini dhe kalojini në një pjatë me letër kuzhine që të thithet vaji i tepërt.

Ndërkohë tek peta në tavë hidhni djathin dhe sipër shtroni salçiçet bashkë me domatet e ndara në mes.

Hidhni edhe pak nga qepët e njoma të prera imët dhe futeni në furrë.

Lëreni të piqet për 8 minuta deri sa djathi të shkrijë.

Nxirreni picën dhe hidhni sipër vezët një nga një duke shtuar dhe kripë sipas dëshirës.

Futeni sërish në furrë deri sa vezët të jenë mpiksur.

Shërbejeni me pak vaj ulliri nga sipër sipas dëshirës.