Salatë me shalqi, djathë të bardhë dhe mente
1. Në një tas të madh, vendos kubet e shalqirit. 2. Shtoni sipër djathin e thërrmuar dhe gjethet e mentes. 3. Spërkatni me vaj ulliri dhe lëng lime. 4. Shtoni një majë kripë dhe pak piper të zi nëse...
Receta e qofteve të shijshme të shtëpisë shuar me birrë
Ingredientët
- 1 patate e zier
- 3 lugë gjelle parmixhano i grirë
- 1 kokërr vezë
- 1/2 tufë majdanoz
- 300 gr mish i grirë
- 200 gr salsiçe
- 1 lugë gjelle buke e grirë imët
- 3 qepë të njoma
- Miell
- 1 shishe birrë (bjonde)
- Vaj luledielli
- Kripë dhe piper i zi
Udhëzimet
1
Fillimisht vendosim pataten të ziejë për 25-30 minuta. Pasi patatja të ziejë e qërojmë dhe e kthejmë në pure.
2
Në tasin ku kemi vendosur purenë shtojmë djathin, mishin e grirë, salsiçen e qëruar dhe të thërrmuar, vezën, majdanozin e grirë hollë, bukën e grirë, kripë dhe piper të zi.
3
I përziejmë të gjithë përbërësit mirë me dorë duke e punuar mirë brumin derisa të shkëputet lehtë nga ena.
4
E mbulojmë më pas tasin me letër celelefoni dhe e lemë brumin e qofteve të pushojë për 30 minuta në frigorifer.
5
Më pas formojmë qofte mesatare te rrumbullakëta si një top ping-pongu.
6
Ngrohim vajin në tigan dhe pasi qoftet t’i pudrosim me pak miell i vendosim në tigan për tu skuqur (kujdes gjatë skuqjes së qofteve temperaturën e ulim në nxehtësi mesatare).
7
Pasi të vendosim qoftet në tigan shtojmë qepët e njoma (pjesën e bardhë) të prerë në unaza të holla dhe vazhdojmë skuqjen së bashku me qoftet duke i lenë derisa të zverdhen pak.
8
Më pas i shuajmë me birrë dhe i trazojmë lehtë duke krijuar nga mielli i qofteve një masë salce.
9
E rregullojmë shijen e salcës me kripë, piper dhe arrë moskat dhe e lemë gatimin me kapak të mbuluar në zjarr të ulët për 7-10 minuta.
10
Më pas i servirim qoftet e shuara me birrë duke i shtuar sipër majdanoz.
Lini një koment